Brúka diabetes-heilivág fyri at klænka

Nógv seldi diabetes-heilivágurin Ozempic, sum Novo Nordisk framleiðir, er ikki at finna á nógvum hillum í fleiri apotekum í heiminum, tí eftirspurningurin er størri, enn Novo Nordisk megnar at framleiða.

Tað skrivar MedWatch.

Talan er um serligar pennar við millum einum fjórðingi, einum hálvum og einum milligrammi í. Ozempic er væl umtóktur heilivágur. Í ríkinum eru yvir 80.000 brúkarar.

DR skrivar, at ein orsøk til, at heilivágurin er so væl umtóktur, er tí at hann hevur eitt serligt hjááarin. 

Søren Tang Knudsen, sum er yvirlækni og lekari á Steno í Århus, sigur, at hjáárinið av Ozempic hevur sama virknað sum kostnaðarmikli heilivágurin fyri fiti, Wegovy.

Tí kann hugsast, at tað ikki bara eru tey, sum hava sukursjúku, sum taka Ozempic.