Ein misskiljing at sjúkrarøktarfrøðingur skal taka telefonina

- Tað hevur verið ynski hjá kommunulæknunum, at ein sjúkrarøktarfrøðingur tekur telefonina í læknavaktini um náttina, men tað vilja vit ikki, sigur Tummas í Garði, varastjóri í Sjúkrahúsverkinum.

Rói á Kósini, kommunulækni og næstformaður í Kommunulæknafelagnum, hevur sagt, at bara ein lækni verður á læknavaktini eftir klokkan 22.

Tað kann hava við sær, at tað tekur longur tíð at fáa fatur á lækna, men ein sjúkrarøktarfrøðingur tekur altíð telefoina.

Tummas í Garði

(Mynd: Bjarni Árting Rubeksen)

Men hetta er ein misskiljing, sigur Tummas í Garði.

- Sjúkrahúsverkið hevur ikki orku at hava sjúkrarøktarfrøðingar at taka telefonina i læknavaktini um náttina, sigur hann.

Hoyr innslag í útvarpstíðindunum:

Óluva í Gong

Óluva í Gong, forkvinna í felagnum hjá sjúkrarøktarfrøðingunum, kennir heldur einki til, at sjúkrarøktarfrøðingar skulu taka telefonina í læknavaktini um náttina.

Sí meira her