Minkar í Finnlandi skulu avlívast

Finnland er rakt av fuglakrími, og nú verða allir minkar, sum verða aldir á gørðum, avlívaðir. 

NTB skrivar, at finska matvøruráðið hevur tikið hesa avgerð.

Orsøkin til, at minkarnir nú verða avlívaðir á hesum gørðum, er tí at minkar við fuglakrími kunnu umskapa hetta virusið, soleiðis at menniskju kunnu gerast sjúk av tí.

Minkur, Minkar

Eins og í Noregi herjar fuglakrím nógvastaðni í Finnlandi. Higartil er virusið staðfest á 20 ymsum skinn-gørðum - tríggir teirra ala mink.

Sambært kringvarpinum YLE eru 50.000 minkar longu tiknir av, og hetta talið fer nú at hækka munandi.