- Tíðindi, mentan og ítróttur
U19-manslandsliðið í hondbólti fær sín HM-elddóp í dag
U19-manslandsliðið í hondbólti fær sín HM-elddóp í dag
Fyrsti dystur hjá Føroyum er í dag móti Burundi. Hann er klokkan 18.00
Óli Mittún og hinir á U19-manslandsliðnum í hondbólti spæla fyrsta dystin í HM-endaspælinum í dag
Mynd: Savnsmynd
02.08.2023 - 09:55
Endaspælið í heimsmeistarakappingini hjá U19 monnum í hondbólti byrjar í dag.
Føroyar eru við.
Fyrsti dystur hjá Føroyum er í dag móti Burundi. Hann er klokkan 18.00.
Í morgin kl.18.00 spæla Føroyar móti Iran, og leygardagin, eisini kl.18.00, spæla Føroyar móti Svøríki.
32 lond eru við í kappingini, sum er í Kroatia.
Ovastu liðið sleppa víðari
Føroyar skulu spæla fyrstu dystirnar í býnum Opatija.
Ovastu tvey liðini úr hvørjum bólki fara víðari til meginumfarið.
Nummar trý og fýra skulu spæla Presidents Cup, sum er um plássini 17-32.
Eftir innleiðandi bólkaspælið verður bólkurin hjá Føroyum samantvunnin við bólk G, har Týskland, Argentina, Saudi Arabia og USA kappast.
Dysturin kann síggjast beinleiðis á Youtube. Trýst á leinkið niðanfyri.
Er kopiera
Nýggjastu sendingar í ÚV
