Landsstýriskvinnan: "Náttúruverndarlógin skal verja føroysku náttúruna"

- Tað er umráðandi at verja føroysku náttúruna móti innræsnum plantum, sum trýstir verandi plantusløg út. 

Soleiðis sigur Ingilín D. Strøm, landsstýriskvinna í umhvørvismálum, nú handil í farnu viku hevði skøru til sølu.

Ingilín D. Strøm

Nýggja náttúruverndarlógin kemur í gildi 1.januar 2024, og við henni fáa myndugleikarnir eitt amboð at stýra hvørji plantusløg koma til landið. 

Tað verður Umhvørvisstovan, sum fer at umsita náttúruverndarlógina.

Enn er óvist, hvussu skipanin fer at síggja út, men vanligt er at gera listar yvir plantur, sum ikki kunnu flytast inn í landið ella sum krevja serligt loyvi at flyta inn, sigur Ingiliín D. Strøm.

Tað hevur stóran týdning at hava reglur fyri innflutning av plantum, sigur landsstýriskvinnan í umhvørvismálum.