Løkke vitjar í Kina

Danski uttanríkisráðharrin, Lars Løkke Rasmussen, fer til Kina í morgin. Endamálið við ferðini er millum annað at skriva undir eina nýggja grøna samstarvsætlan.

Sambært Ritzau sigur Lars Løkke Rasmussen, at tað loysir seg best fyri Danmark, at javnvágur er í sambandinum millum londini bæði.  

- Vit eiga hvørki at venda Kina ryggin ella at vera ov opin, sigur hann.

Uttanríkisráðharrin vónar eisini, at møguleiki verður at tosa við kinesisku stjórnina um mannarættindi og kríggið í Ukraina.

- Kina hevur higartil ikki tikið støðu í sambandi við kríggið, og tað er í veruleikanum tað sama sum at stuðla Putin, sigur Lars Løkke Rasmussen. Eg vænti tó ikki, at mín vitjan í sær sjálvum fer at broyta nakað, men hon kann vera ein partur av eini størri evropeiskari roynd at ávirka Kina, sigur hann.