India hevur sett rúmdarfar á suðurpólin av mánanum

Í 2019 miseydnaðist ein indisk roynd at seta eitt rúmdarfar á mánan. 

Men í dag gekk betur, tí um hálvgum tvey tíðina setti rúmdarfarið Vikram seg við suðurpólin av mánanum. 

Indisk rúmdarferð

Harvið skrivaðu indar eisini rúmdarsøgu, tí Vikram er fyrsta rúmdarfar, ið hevur sett seg við suðurpólin av mánanum. 

Indisk rúmdarferð

Sjálv rúmdarferðin kallast Chandrayaan-3.

Kosta 503 mió. kr.

Indian er harvið fjórða landið í heiminum, ið hevur sett eitt rúmdarfar á mánan. Hini eru USA, Sovjetsamveldið og Kina. 

Endamálið við at fara til suðurpólin á mánanum er vatnið, ið finst har. Um tað er nóg mikið av vatni á suðurpólinum, so kann tað fáa týdning fyri framtíðar gransking av rúmdini. 

Indisk rúmdarferð

Mánaferðin hjá India hevur konsta 73 milliónir dollarar, sum eru 503 milliónir krónur. 

Russland royndi at lenda eitt rúmdarfar á suðurpólinum av mánanum um vikuskiftið. Lendingin miseydnaðist, tí farið datt niður á mána. 

USA og Kina hava eisini ætlanir um mánaferðir næstu árini, og málið er eisini suðurpólurin av mánanum.