Trøllapætur á frímerki

Posta gevur í dag fýra nýggj postgjaldsmerki út. Hetta er sætta árið á rað, at føroysk postgjaldsmerki verða givin út.

Myndevnið í ár er Trøllapætur, sum bæði stór og smá kenna. Eyðbjørn Jacobsen hevur tikið myndirnar.

Síðani ár 2000 hava trøllini innspælt og givið fløgur út.

Trøllapætur og omman hava framført fyri nærum øllum smábørnum í Føroyum, og hava eisini havt framførslur í Danmark, Íslandi og Grønlandi.

Umframt frímerkini, verða eisini tvey postkort givin út.