Talsmaður: Russland hevði einki við flogvanlukkuna gera

Skuldsetingarnar frá vesturheiminum um, at russiska stjórnin skipaði fyri at fáa Jevgenij Prigozjin tiknan av døgum, eru lygn.

Tað sigur ein talsmaður hjá russiska forsetanum, Vladimir Putin, sambært Danmarks Radio.

Talsmaðurin,, vil ikki vátta, at leiðarin  í Wagner-herdeildini, doyði í flogvanlukkuni mikudagin, men vísir á, at kanningararbeiði er sett í verk, og at bíðast má eftir úrslitinum.

Hann leggur kortini eina við, at Kreml einki hevði við flogvanlukkuna at gera.

Dmitrij Peskov - Mynd: Ritzau Scanpix

Dmitrij Peskov er talsmaður hjá Putin, forseta. (Mynd: Ritzau Scanpix)

Nógvar gitingar eru um vanlukkuna og syndarliga deyðan hjá teimum, sum vóru við flogfarinum, men hetta er lygn, sigur Dmitrij Peskov.

Í juni stóð Jevgenij Prigozjin á odda fyri einum uppreistri ímóti russisku hernaðarleiðsluni, og Vladimir Putin kallaði hann tá fyri ein svíkjara.

Í gjár sýndi Putin familjuni hjá  Prigozjin samkenslu og rósti honum fyri at verða ein góðan handilsmann.