Noreg fer at hava korn á goymslu

Verður bráðfeingis tørvur á korni, fer Noreg at hava eina neyðgoymslu til reiðar.

Tað upplýsir norska stjórnin, eftir at grannalond eisini hava tilbúgving við korni, í sambandi við kriggj í Evropa, farsóttir og veðurlagsbroytingar.

Næsta ár verða 15.000 tons av kornu løgd á goymslu og hetta til 2028-2029 fer Noreg at tryggja sær at hava korn á goymslu, sum røkkur til tríggjar mánaðir, sigur norski landbúnaðar- og matvørumálaráðharrin, Geir Pollestad.

Norska kringvarpið skrivar, at hetta er fyrstu ferð í 20 ár, at Noreg hevur korn á goymslu.

Í fíggjarlógaruppskotinum fyri næsta ár hevur stjórnin sett av 63 milliónir norskar krónur, góðar 40 milliónir í okkara peningi, til korngoymsluna.

Roknað verður við at hava 82.500 tons av hveiti á goymslu fyri 2030.