Danir vistu heldur einki um flogfarið

Danir vistu heldur ikki um amerikanska herflogfarið, sum fleyg lágt yvir Føroyum tíðliga seinnapartin leygardagin 5.august.

Tað sigur Troels Lund Poulsen, verjumálaráðharri, í svari til Sjúrð Skaale, fólkatingsmann.

Ráðharrin spurdi donsku verjuleiðsluna, sum sigur seg ikki hava fingið at vita um flogfarið.

Troels Lund Poulsen sigur, at Verjumálaráðið hevur verið í sambandi við amerikanska sendiráðið í Danmark.

Haðani fekk ráðið at vita, at tey, sum skulu boða frá slíkum flogferðum í Føroyum, hava fingið greitt at vita eina ferð enn, hvørjar mannagongdirnar eru.

Flogfarið, sum fleyg yvir Havnini og Skálafjørðin, er av Lockheed C-130 Hercules.

Hvørki Arktisk Kommando eller føroyska Uttanríkisráðið fingu boð um flogfarið.