Sambýlið á Mýrini liðugt

Sambýlið á Mýrini 4 í Hoyvík er nú klárt at flyta í, og í hesum sambandi verður skipað fyri móttøku seinnapartin í morgin. 

Húsið verður opið frá kl. 13.00 til kl. 17.30. so møguleiki verður eisini hjá fólki at koma inn á gólvið, áðrenn móttøkan byrjar.

Sambýlið á Mýrini er bústaður til fólk við menningartarni. Húsið fevnir um bæði sambýli og búfelagsskap, har 12 kømur/íbúðir eru í sambýlinum og seks sjálvstøðugar íbúðir eru í búfelagsskapinum.

Húsið er býtt í tríggjar búeindir við seks fólkum í hvørjari búeind.