Løgreglumaður í Føroyum ákærdur fyri blúnisbrot

Statsadvokaturin í Keypmannahavn hevur reist ákæru móti einum løgreglumanni í Føroyum fyri at hava misbrúkt sítt starv og fyri blúnisbrot. 

Tað skrivar Ritzau.

Løgreglumaðurin skal hava sett seg í samband við tríggjar kvinnur gjøgnum sosiala miðilin Messenger við teirri frágreiðing, at tær skuldu avhoyrast. 

Sambært ákæruritinum skal løgreglumaðurin hava heintað eina av kvinnunum uttan fyri miðnámsskúlan, har hon gekk, og koyrt hana heim til sín, har avhoyringin fór fram. 

Eisini skal hann vera møttur upp á skeinkistaði í Havn, har ein onnur kvinna var stødd. 

Løgreglumaðurin noktar seg sekan.