- Tíðindi, mentan og ítróttur
Aftur jarðskjálvti í Afganistan
Aftur jarðskjálvti í Afganistan
Skjálvtin var í nátt, og hann var eisini í Herat-landspartinum
Jarðskjálvtin í Afganistan um vikuskiftið hevur kravt í minsta lagi 2.400 mannalív. Her leita fólk eftir deyðum undir húsatoftunum.
Mynd: AFP/Ritzau Scanpix
11.10.2023 - 08:49
Ein jarðskjálvti, sum varð mátaður til 6,3 á Richter-stiganum, hevur rakt útnyrðingspartin av Afganistan, skrivar Reuters.
Jarðskjálvtin var einar 28 kilometrar uttan fyri høvuðsstaðin í Herat-landspartinum, upplýsir amerikanski jarðfrøðikanningarstovnurin.
Jarðskjálvti rakti í nátt, nú tey framvegis stríðast í Afganistan eftir eina røð av jarðskjálvtum, sum vóru har um vikuskiftið.
Tað var eisini Herat-landsparturin, sum varð raktur um vikuskiftið.
Tann harðasti varð mátaður til 6,3 á Richter-stiganum, og fleiri eftirskjálvtar vóru eisini.
Talið á deyðum eftir jarðskjálvtarnar um vikuskiftið er farið upp um 2.400 fólk.
Er kopiera
Nýggjastu sendingar í ÚV
Nýggjastu sendingar í SV
