Keypið hjá Pelagos av Faroe Pelagic fráboðað

Faroe Pelagic kom í føroysku uppsjóvarvinnuna, tá fyritøkan í 2009 keypti Kollafjord Pelagic, sum var í trupulleikum.

Við drúgvum royndum í at byggja og reka uppsjóvarvirki í øðrum londum eydnaðist Faroe Pelagic at brúka sína marknaðarleiðandi serfrøði, stendur á heimsasíðuni hjá Kappingareftirlitinum.

Fyritøkan prógvaði, at tað ber til, bæði tøkniliga og búskaparliga, at virka vinnuliga uppsjóvarfisk til matna í Føroyum.

Faroe Pelagic slóðaði fyri, at hini bæði uppsjóvarvirkini, Varðin Pelagic og Pelagos, seinni vóru bygd í Føroyum, skrivar Kappingareftirlitið.

Pelagos, makrelur

Byrjaði í 2014

Pelagos byrjaði í 2014. 

Havsbrún, Framherji, Palli hjá Marionnu og felagið á Enni eiga Pelagos.

Faroe Pelagic er óbeinleiðis dótturfelag hjá Parlevliet & Van der Plas B.V. í Niðurlondum.

pelagos makrelur uppsjóvarvirki

2,2 mió. kr. eftir skatt

Faroe Pelagic og Pelagos gjørdu fyri sløkum tveimum mánaðum ætlanarskjal um, at Pelagos keypir øll partabrøvini í PP Faroe Pelagic.

Partapeningurin í Faroe Pelagic er 500.000 kr.

Úrslitið hjá Faroe Pelagic í fjør var slakar 2,2 mió. kr. eftir skatt.