Abbas: Hamas umboðar ikki palestinska fólkið

Palestinski forsetin, Mahmoud Abbas, sigur, at gerðirnar og politikkurin hjá Hamas umboða ikki palestinska fólkið. 

Tað segði hann í telefonsamrøðu við forsetan í Venesuela, Nicolas Maduro. Teir tosaðu um ísraelsku bumbuálopini í Gasa eftir deyðiligu álopini hjá Hamas á ísraelskar býir. 

Mahmoud Abbas segði í samrøðuni, at tað er bara PLO, sum umboðar fólkið í Gasa, skrivar Reuters.

Benjamin Netanyahu

Benjamin Netanyahu, forsætisráðharri. 

Eingin vápnahvíld

Ísrael vísir aftur, at semja er gjørd um vápnahvíld har suðuri í Gasageiranum. 

Tað skrivar Reuters.

Fyrr í morgun frættist, at Ísrael, USA og Egyptaland vóru samd um vápnahvíld.

Vápnahvíldin skuldi, sambært egyptiskum keldum, byrja klokkan sjey okkara tíð í morgun. Samstundis skuldi marknaliðið við Rafah, sum er millum Gasageiran og Egyptaland har suðuri í geiranum, lata uppaftur.

Fráboðan frá umsitingini

Stutt eftir at egyptiskar trygdarkeldur søgdu við tíðindastovuna, at Ísrael, USA og Egyptaland vóru samd um slíka vápnahvíld, kom fráboðan frá umsitingini hjá ísraelska forsætisráðharranum.

- Fyribils er eingin vápnahvíld og humaniter hjálp í Gasa fyri at fáa útlendskar ríkisborgarar út, sigur Benjamin Netanyahu, forsætisráðharri, í fráboðanini.