Kanska stjórnarskifti í Póllandi

Nógv bendir á, at stjórnarskifti verður í Póllandi eftir tjóðartingsvalið í gjár.

Konservativi flokkurin, Lóg og rættvísi, hevur havt valdið í Póllandi í tvey valskeið, men tað kann verða torført at at skipa meiriluta.

Lóg og rættvísi er framvegis størsti flokkur í tjóðartinginum, men tað gongur striltið at fáa aðrar flokkar at samstarva við, til tess at varðveita meirilutan.

Ið hvussu er hevur ein flokkur longu víst aftur at skipa samgongu saman við Lóg og rættvísi, skrivar Ritzau.

Lóg og rættvísi, Pólland, tjóðartingsval í Póllandi

Flokkurin, Lóg og rættvísi, sum hevur havt stjórnarvaldið, hevði afturgongd í gjár, men er framvegis størsti flokkur. Í miðjuni Jaroslaw Kacinzky, floksformaður. (Mynd : Reuters/RItzau Scanpix)

Talan er um mið-høgra valsamgonguna, Triði vegurin, sum umfatar pólska Fólkaflokkin og Pólland 2050.

- Veljararnir hjá okkum vilja hava broytingar, og vilja hava Lóg og rættvísi frá valdinum, sigur formaðurin í øðrum flokkinum, sum er í valsamgonguni, við eina útvarpsstøð.

Fyribils tøl vísa, at valluttøkan á valinum í Póllandi í gjár kann koma upp í 72,9 prosent. Og tað er meiri enn í 1989, tá kommunistastýrið fall. 

Endaliga úrslitið er ikki greit ennt, men veljarakanningar, sum er gjørdar á valstøðum, vísa, at andstøðan kann fáa 248 av 460 sessum í Sejmen, sum er onnur tingdeildin í pólska tjóðartinginum.

Tað kann hava við sær, at stjórnaskifti verður í landinum.