Danir kunnu vænta fleiri vatnflóðir

Danir, sum hava verið plágaðir av illveðri og vatnflóð seinastu dagarnar, kunnu rokna við fleiri vatflóðum longu um vikuskiftið.

Veðurfrøðingar siga, at kommunur og økir, sum liggja nærindis strondini, mugu javnan kanna eftir, um verjan fyri vatnflóð er nóg góð.

Henda støðan fer at venda aftur í framtíðini orsakað av veðurlagsbroytingum. 

- Næstu árini skulu vit rokna við líknandi vatnflóðum, sum vit hava sæð hesa ferð, sigur Kristine Skovgaard Madsen, sum er havfrøðingur hjá danska veðurstovninum, við danska kringvarpið.

Víðari sigur hon, at vatnstøðan stigvíst fer at hækka, og tað merkir, at komandi illveðursdagar fara at elva til alsamt størri vatnflóðir.