Svøríki: Nógv ung eru virkin í kriminella umhvørvinum

Tað eru 400 fólk fleiri, enn tað vóru í fjør, vísa tølini, sambært svensku P4-rásini.

- Tey skipaðu kriminellu finna sær gerningsfólk, sum eru yngri og yngri. Og tað vekir stúran í Svøríki, sigur Erik Nord, leiðari fyri granskingareindini hjá løgregluni í vestur-Svøríki.

Løgregluovastin Anders Thornberg hevur sagt, at Svøríki hevur umleið 30.000 fólk í kriminella umhvørvinum sum hava tilknýti til skottilburðir og spreingingar, sum hava verið í landinum.

Men granskarar ivast í tølunum, og løgreglan hevur ikki viljað greitt frá, hvussu hon hevur funnið til, at tað eru 30.000 fólk, skrivar NTB.