Kann vera størsta náttúruvanlukka seinastu hálvu øldina

Grótbræðingin, sum hevur verið ein hóttan undir jørðini, er nú so nær yvirflatanum, at hon einans liggur umleið 500 metrar niðri, sigur Benedikt Ófeigsson frá veðurstøðini í Íslandi.

Hesi viðurskifti økja munandi um vandan fyri gosi. 

Roykur og svávulroykur, sum koma upp úr rivum í lendinum, eru greið tekin um, at okkurt er áfatt í undirgrundini, og bakkin á Grindavík-leiðini er farin at søkka í fleiri støðum. Útlendskir miðlar halda eyga við støðuni og hava boðað frá, at eldgos kann verða á veg.

Serfrøðingar siga við íslendska kringvarpið RUV, at hetta kann gerast størsta náttúruvanlukka í Íslandi seinastu hálvu øldina, og støðan er sera álvarsom.