Grønland tekur eisini undir við París-avtaluni

Nú er greitt, at Grønland eisini tekur undir við París-avtaluni, sum bindur lond til at skerja útlátið av vakstrarhúsgassum.

Leingi hevur verið arbeitt við málinum.

Í november í 2021 upplýsti Múte B. Egede, landsstýrisformaður, at Grønland fór at taka undir við París-avtaluni.

Men ætlanin var av ongum, tá flokkurin Naleraq fór úr landsstýrissamgonguni, og Siumut kom upp í samgonguna í staðin. 

Siumut hevur verið ivasamur um veðurlagsavtaluna, og hevur viljað havt fyrimunir og vansar kannaðar.

Erik Jensen, formaður í Siumut, sigur við KNR, at nú eru øll ivamál loyst, og flokkurin er til reiðar at taka undir við avtaluni.