Eisini Netanyahu er bjartskygdur um avtalu

Eisini ísraelski forsætisráðharrin letur væl at gongdini í samráðingunum um, at teir umleið 240 gíslarnir, sum Hamas hevur, verða latnir leysir.

Benjamin Netanyahu sigur, at framstig verða gjørd. 

- Eg haldi ikki, at vit eiga at siga meira í løtuni, men eg vónir, at góð tíðindi verða at frætta skjótt, sigur hann við Reuters.

Ein talsmaður fyri Hamas segði fyrr í dag, at ein avtala er í eygsjón, og myndugleikarnir í Katar, sum roynir semju millum partarnar, eru eisini bjartskygdir um, at ein avtala fæst í lag.

Av skrivstovuni hjá Benjamin Netanyahu, forsætisráðharra, verður upplýst, at fundir vera við fleiri ráðharrar í kvøld.