Smágenta latin leys - Hamas drap foreldrini

Ein fýra ára gomul genta, sum hevur verið gísli hjá Hamas í 50 dagar, er nú latin leys. Hon er fyrsti amerikanari, sum er latin leys, síðani vápnahvíldin millum Ísrael og Hamas byrjaði.
 
Hon verður ikki latin leys saman við foreldrum sínum, og tey taka heldur ikki móti henni í Ísrael. Orsøkin til tað er, at bæði foreldrini vóru dripin 7. oktober, tá ið Hamas leyp á Ísrael. 

Hóast foreldrini eru dripin, er leyslatna gentan prógv um,  at vápnahvíldin heldur, sigur amerikanski forsetin Joe Biden.

Seinasti dagur í dag

Vápnahvíldin, sum byrjaði 24. november, skuldi vara í fýra dagar, og í dag er sostatt seinasti dagur. 

Sambært BBC eru tó ábendingar um, at Hamas ætlar at leingja vápnahvíldina, og at ísraelski forsætisháharrin, Benjamin Netanyahu, hevur sagt, at hann kanska fer at taka undir tí. Tó sigur hann, at Ísrael framvegis ikki hevur slept ætlanini um at oyða Hamas.

Í morgun hevur Ísrael fingið ein lista við nøvnum á 11 gíslum, sum Hamas væntandi letur leysar í dag, skrivar ísraelska blaðið Haaretz.