Kreppa hóttir svenska búskapin

Bruttotjóðarúrtøkan í Svøríki minkaði 0,3 prosent í triðja ársfjórðingi í ár samanborið við annan ársfjórðing. 

Afturgongdin í øðrum ársfjórðing var 0,8 prosent.

Tískil verður mett, at búskapurin er í kreppu, sum vanliga verður sagt, tá búskaparlig afturgongd er tveir ársfjórðingar á rað.

Minni nýtsla og færri íløgur

Orsøkin til afturgongdina er minni privat nýtsla, sum er minkað fimta ársfjórðingin á rað, og færri íløgur verða eisini gjørdar.

Arbeiðsloysið í Svøríki er í løtuni 7,7 prosent. 

Svenska hagstovan væntar, at veturin framhaldandi verður tungur búskaparliga, millum annað tí at rentan er so høg. Leiðandi rentan í Svøríki er í løtuni fýra prosent.