Boris Johnson tekur í egnan barm

Fyrrverandi bretski forsætisráðharrin Boris Johnson harmast um sína egnu handfaring av korunufarsóttini.

- Vit undirmettu farsóttina, segði Boris Johnson, tá ið hann vitnaði fyri nevndini, sum kannar bretsku handfaringina av koronufarsóttini.

Boris Johnson segði millum annað, at hann harmast um mongu fólkini, sum lótu lív, tá koronufarsóttin herjaði, skrivar Ritzau.

230.000 bretar doyðu av Covid-19, og nógvar milliónir fingu sjúkuna.

- Eg kann nýta høvið at siga, at eg skilji kenslurnar hjá teimum, sum vóru rakt, og avvarðandi teirra, og eg harmist stórliga um pínuna, missin og líðingarnar hjá teimum, segði Boris Johnson, fyrrverandi forsætisráðharri.