Rakett rakti norskt skip

Ein rakett hevur rakt eitt norskt skip í Reyðahavinum.

Talan er um skipið Strinda, sum norðmenn eiga. Hetta hendi í Reyðahavinum út fyri Jemen.

Eldur kom í skipið, men eingin fólkaskaði hendi.

Amerikanska sjóverjuskipið Mason er á staðnum. 

Hetta er góðar 100 km. norðan fyri Bab Al-Mandab-smoguna, upplýsa amerikonsk embætisfólk.

Sagt verður, at ein krússararakett úr einum øki, har houtiarar hava valdið, rakti skipið.