- Tíðindi, mentan og ítróttur
Yvir 150 milliónir í grønum stuðli
![](https://kvf.fo/sites/default/files/styles/grein-ovasta-mynd/public/hitapumpa.jpg?itok=p0T3cWBw)
Til 1. desember í ár eru 27,8 mió. kr. latnar í mvg-afturbering til teirra, sum hava keypt elbil.
Frá 2017 til 2022 var afturberingin 68,4 milliónir.
Sambært Akstovuni komu 1568 elbilar frá 2013 til 1. desember í ár.
Tað upplýsir Ruth Vang, landsstýriskvinna, í svari til Steffan Klein Poulsen, løgtingsmann.
Hann spurdi, hvussu nógv grøni stuðulin kostar.
Skásetingargjald og hitapumpur
Ruth Vang sigur, at ikki er lætt at svara um skrásetingargjaldið, men stuðulin kann sigast at vera millum 60.000 og 100.000 kr. fyri hvønn elbil.
Tí tað rinda flestu vanligir bilar í skrásetingargjaldi.
Var eingin stuðul, keyptu fólk vanligar bilar og ikki elbilar, sigur Ruth Vang.
Steffan Klein Poulsen spurdi eisini um afturberingina til teirra, sum fáa sær hitapumpu.
Har svarar Ruth Vang, at til 1. desember í ár er afturberingin 25,8 milliónir.
Frá 2017 til 2022 vóru 30,4 milliónir í meirvirðisgjaldi borin aftur.
Var eingin afturrindan, høvdu fólk neyvan í sama mun lagt um til grønar hitaskipanir, sigur Ruth Vang.