Danmark bjóðar av til venjingardyst

Føroyska manslandsliðið í fótbólti skal spæla venjingardyst ímóti Danmark í mars.

Dysturin verður á Brøndby Stadion 26. mars, og talan er um seinna av tveimum venjingardystum, sum Føroyar skulu spæla í mars 2024, skrivar fsf.fo.

Annars  eru 10 dystir á skránni hjá Føroyum næsta ár. Fýra venjingardystir vera í mars og juni, og síðan er seks dystir í Nations League-kappingini, sum byrjar í september og endar í november.

Lutakastið til Nations League, har Føroyar framvegis eru í triðbestu deildini, verður 8. februar.

Venjingardysturin millum Danmark og Føroyar er eisini liður í fyrireikingunum hjá Danmark til EM-endaspælið næsta summar.