Alexander Vucic sær út til at vinna stórsigur í serbiska valinum

Framskrivingarnar av serbiska valinum í gjár vísa, at flokkurin hjá forsetanum, Alexander Vucic, fer at fáa 47 prosent av atkvøðunum.

Serbiska valið, Val í Serbia

Størsti kappingarneytin er ein samgonga av anstøðuflokkum, sum kallar seg "Serbia ímóti harskapi".

Fyribils útslitini vísa, at hendan flokssamgongan fær góð 23 prosent av atkvøðunum. 

Serbiska valið, Val í Serbia

Óreglusemi á fleiri valstøðum

Sambært BBC og øðrum miðlum, hava verið fráboðanir um óreglusemi á fleiri valstøðum, og anstøðan hevur sagt seg fara at mótmæla atkvøðuteljingini, við øllum demokratisku amboðunum.

Alexander Vucic, Serbia

Men Ana Brnabic, forsætisráðharrin, sum her sæst standa undir liðini á flokksfelaganum Vucic, forseta, vísur øllum ákærum um valsvik aftur, skrivar BBC.

- Ákærur um valsvik hava bert til endamáls at sáa iva, ótta og ruðulleika, sigur Ana Brnabic, forsætirsráðharri.

250 fólk sita í Serbiska parlamentinum, og væntað verður at valúrslitið fellir soleiðis út, at serbiski frambursflokkurin einsamallur fær meiriluta.