Eiga 2.400 tons av toski í Íslandi

Føroyar sleppa eisini at fiska 5.600 tons av botnfiski í íslendskum sjógvi næsta ár.

2.400 tons eru toskur. Upp til 400 tons eru brosma.

Føroyska lodnukvotan verður framhaldandi fimm prosent av heildarkvotuni, sum Ísland, Grønland og Noreg áseta, men tó í mesta lagi 30.000 tons.

Londini kunnu eisini framvegis fiska svartkjaft og norðhavssild hvørt hjá øðrum.

Fiska hvørt hjá øðrum

Tað er, at føroysk skip kunnu fiska sínar kvotur í íslendskum sjógvi, og íslendsk skip kunnu fiska í føroyskum sjógvi.

Ísland fær eisini næsta ár 1.300 tons av makreli frá Føroyum.

Fiskiveiði­samráðingarnar millum Føroyar og Ísland hava higartil verið á politiskum stigi.

Men londini gjørdu í fjør ein rammusáttmála, sum skipar fiskiveiðisamstarvið av nýggjum. 

Sáttmálan, sum nú er gjørdur, hava embætisfólk gjørt.