Landsstýrismaðurin: Taka atlit at fostrinum og kvinnuni

Vit vilja taka atlit at fostrinum og at kvinnuni.

Tað sigur Bjarni Kárason Petersen, sum seinnapartin hevði tíðindafund um uppskotið um nýggja fosturtøkulóg.

Sambært uppskotinum skulu kvinnur, sum búgva í Føroyum, fáa møguleika at fáa fría fosturtøku til og við  12. viku í viðgongutíðini.

Men hví er 12 vikur tað rætta markið at seta?

Hóast freistin sambært grein 1 er farin, kann kvinna fáa fosturtøku eftir 12. viku í viðgongutíðini, um lív og heilsa hjá kvinnuni eru í vanda, ella um inntrivið er neyðugt at forða fyri, at likamliga og sálarliga heilsan viknar munandi, og vandin fyri hesum er læknaliga grundaður.

Bjarni Kárason Petersen

Galdandi lóg um fosturtøku er frá 1956 og er á mangan hátt ótíðarhóskandi, sigur Bjarni Kárason Petersen. 

Seinastu árini hevur nógv kjak staðist av lógini, og tíðin er nú komin at endurskoða lógina og gera hana meira tíðarhóskandi, sigur landsstýrismaðurin. 

Uppskotið um nýggja fosturtøkulóg er farið til ummælis. 

Meiri verður at frætta í útvarpstíðindunum klokkan 18.