Túsundtals bøndur mótmæla í Berlin

Týskir bøndur eru farnir til Berlin at mótmæla ætlanunum hjá týsku stjórnini um at skerja stuðulin til landbúnaðin.

Umleið 3.000 traktorar og 2.000 lastbilar eru við í mælisgonguni.

Týska løgreglan sigur, at ikki er koyrandi á vegum nærindis Brandenburger Tor. 

Bøndurnir krevja, at stjórnin sleppir ætlanunum. 

Mótmæli í Berlin, bøndur mótmæla í Berlin

(Mynd: AFP/Ritzau Scanpix)

Størsta ósemjan er um avgjøld á diesel til landbúnaðin.

Stjórnin hevur longu strikað fleiri av skerjingunum, men landbúnaðarfelagsskapurin, DBV, heldur, at allar skerjingarnar skulu strikast.

- Bøndur fara at doyggja út sum vinna, sigur ein bóndi við Reuters-tíðindastovuna.