Nú fáa grønlendingar nýggja fiskivinnulóg

Í 20 ár hevur ein nýggj fiskivinnulóggáva verið á veg í Grønlandi.

Men nú er uppskotið liðugt, og tað var sent til hoyringar 29.november í fjør.

Hoyringarfreistin er til 24.januar.

Ætlanin er at viðgera uppskotið, tá landstingið kemur saman í mars.

Ov stutt freist

Men nógv siga nú, at átta vikur eru ov stutt hoyringarfreist, millum annað, tí jólini vóru í henni.

Sjálvt lógaruppskotið er 22 síður, men viðmerkingarnar eru 119 síður.

Síðani sjálvstýrið kom í 2009, hava 13 landsstýrisfólk umsitið grønlendsku fiskivinnuna.

Lógaruppskotið, sum nú er komið, er gjørt eftir einum áliti, sum fiskivinnunevndin, har sum millum annað vinnan var við, kom við í 2021.