Netanyahu missir undirtøku

Ísraelski forsætisráðharrin, Benjamin Netanyahu, missir undirtøku. 

Tað vísir nýggj meiningakanning.

Sambært kanningini, sum ísraelska Keshet12 hevur gjørt, hevði Netanyahu fingið 23 prosent av atkvøðunum, um val var Ísrael í dag. 

Tað er afturgongd, samanborið við eina kanning fyrr í hesum mánaðinum. Tá fekk hann 29 prosent.

43 prosent av veljarunum halda hinvegin, at fyrrverandi verjuovastin og verjumálaráðharrin, Benny Gantz, eigur at gerast forsætisráðharri, vísir kanningin, sambært Al Jazeera.

Gantz var forsætisráðharri frá 2020 til 2021, og er í dag ráðharri við ongum málsøki í stjórnini hjá Netanyahu.