Seldi á sosialum miðlum: Er nú skuldsettur

Maðurin, sum seldi á sosialum miðlum, men læt ikki keyparunum tað, sum hann seldi og fekk pengar fyri, er nú skuldsettur.

Politiið kannar nú málið.

Talan er um føroying.

Tá politiið visti, hvør maðurin er, og skuldi taka hann, var hann farin til Danmarkar.

Sjey ella átta mál

Men hann ringdi úr Danmark til politiið í Føroyum. Hann segði tá, at hann vildi tosa við ein ávísan politist.

Og politisturin hevur nú tosað við hann.

Maðurin seldi kjøt, fiskiloyvi, bátar og bátamotorar.

Politiið hevur sjey ella átta mál um mannin.