Kvinnupanelið fagnaði kvinnuligum tónlistafólkum

Altjóða kvinnudagur er í dag, og tað hevur verið feirað alla vikuna við árliga Femifagnaðinum. 

Nógv spennandi tiltøk hava verið á skránni, og nógv spennandi tiltøk eru sanniliga eisini á skránni í dag. 

Men fagnaðurin av kvinnunum bleiv í roynd og veru skotin í gongd í sendingini Plátupanelinum seinasta leygardag. 

Tá mannaðu - ella kvinnaðu - Eivør Pálsdóttir, Guðrið Hansdóttir og Sunneva Háberg Eysturstein árliga kvinnupanelið í sambandi við árliga kvinnudagin. Dania O. Tausen var vertur. 

Tær fýra valdu tónleik hjá kvinnunum, sum á ymiskan hátt hava veitt teimum íblástur ella hava skarðað framúr. 

Hvat: Kvinnupanelið í Plátupanelinum
Nær: Leygardagin 2. mars
Hvar: á KVF Ljóð