Neyðugt við átøkum at minka lønargloppið millum menn og kvinnur

- Vit noyðast at gera átøk, sum skulu minka um lønargloppið millum kvinnur og menn. Øki, sum gera mun, kunnu vera pensjónsviðurskifti, skattaviðurskifti og fíggjarlógararbeiði.

Tað sigur Sirið Stenberg, landsstýriskvinna í javnstøðumálum, sum hesa vikuna er á altjóða ráðstevnu á ST-høvuðsborgini í New York.

Høvuðsevnið á ráðstevnuni í ár er kvinnur og fíggjarlig javnstøða.

Sirið Stenberg og løgtingskvinnur á ST-ráðstevnu

Umframt landsstýriskvinnuna eru løgtingskvinnur eisini á ST-ráðstevnuni í New York í hesum døgum. (Mynd: Liljan Weihe á Facebook-vanga)

Í gjár sat Sirið Stenberg við pallborðið saman við norðurlendsku javnstøðuráðharrunum, har fíggjarlig ójavnstøða varð viðgjørd:

Millum evnini, sum vóru viðgjørd á fundinum, vóru tilflytarar, fíggjarligur harðskapur, stakir uppihaldarar og fólk við breki:

Hetta er 68. ársfundur í Commission on the Status of Women hjá ST.

Á pallborðsfundi í morgin fara serfrøðingar at viðgera fíggjarliga javnstøðu.