Írski forsætisráðharrin leggur frá sær

Írski forsætisráðharrin, Leo Varadkar, leggur frá sær.

Tað boðar hann frá í dag, sambært Reuters.

Leo Varadkar leggur eisini frá sær sum formaður í Fine Gael-flokkinum.

- Eg gevist, so skjótt nýggjur floksformaður verður kunngjørdur, sigur hann á tíðindafundi.

Fekk ikki undirtøku fyri at broyta grundlógina

Í februar var fólkaatkvøða í Írlandi um at broyta ávísar orðingar í grundlógini. Orðingar, sum Leo Varadkar heldur vera ótíðarhóskandi og sexistiskar. Hann mælti veljarunum til at atkvøða fyri broytingini.

Men írska fólkið atkvøddi ímóti, og tí eru orðingarnar í grundlógini varðveittar.

Í grundlógini, sum er frá 1937, stendur millum annað, at skyldurnar hjá mammuni eru heima við hús.