Vænta ikki at finna fleiri á lívi

Myndugleikarnir vænta ikki at finna fleiri á lívi, eftir at bingjuskipið “Dali”, sum Maersk hevur leigað, rendi á Francis Scott Key-brúnna í Baltimore í USA týsnáttina, skrivar danska kringvarpið.

Talan er um seks arbeiðsmenn, sum vóru í holt við at fylla hol í vegnum á brúnni, tá ið skipið rendi á.

Hildið verður, at tað er ov kalt í sjónum til, at nakar av teimum seks monnunum er sloppin við lívinum.

Átta mans, sum vóru til arbeiðis á brúnni, tá ið vanlukkan hendi, endaðu á sjónum, men tveir teirra vórðu fingnir uppaftur beinanvegin.