Strika bíðilistan eftir grundstykkjum

- Vit hava tøk grundstykkir, og tá gevur tað ikki veruliga meining at hava ein bíðilista.

Tað sigur Bjarni Prior, borgarstjóri í Vága kommunu, sum hevur samtykt at avtaka bíðilistan eftir at fáa grundstykki í kommununi.

Ein onnur orsøk er, at tað kann taka drúgva tíð at arbeiða seg gjøgnum bíðilistan, tá eitt grundstykki verður tøkt, og tað seinkar gongdini nógv.

Vága kommuna hevur í løtuni 15 grundstykki tøk: 9 í Miðvági, 4 í Sandavági og 2 í Vatnsoyrum. Øll, sum standa á bíðilista til at fáa grundstykki í Miðvági og í Vatnsoyrum, hava fingið grundstykki bjóðað.

Hoyrið Bjarna Prior, borgarstjóra, greiða frá avgerðini hjá kommununi.