Kommunurnar fingu 33 milliónir meira í skatti fyrsta ársfjórðing

33 milliónir krónur meira komu inn í kommunuskatti fyrsta ársfjórðing í ár samanborið við sama tíðarskeiðið í fjør. Vøksturin er 5,9 prosent.

Tórshavnar kommuna hevur fingið meira enn helmingin av meirinntøkuni. Tórshavnar kommuna fekk góðar 17 milliónir krónur meira í skatti frá januar til mars samanborið við sama tíðarskeið í fjør.

Vøksturin er 7,3 prosent.

Klaksvíkar kommuna hevði 3,9 milliónir krónur í meirinntøku. Vøksturin var 6,4 prosent.

Í Runavíkar kommunu var vøksturin 3,3 milliónir, sum svarar til 7 prosent.

26 av 29 kommunum fingu meira í skatti. 

Tríggjar kommunur fingu minni í skatti. Tær eru Húsavíkar, Hvalbiar og Sumbiar kommuna.

Les meira her.