Nú eru 54.600 fólk í Føroyum

1.mars búðu 54.591 fólk í Føroyum.

Tað eru 439 fleiri enn 1.mars í fjør. Vøksturin er 0,8 prosent.

Fólkavøksturin heldur fram á tíggjunda ári. 

Men seinastu tvey árini hevur hann verið lakari enn frammanundan. 

Fólkatal

Lítið burðaravlop

Burðaravlopið hevur verið lutfalsliga lítið, fyrst tí deyðatalið vaks og síðani, tí burðartalið minkaði.

Nettoflytingin er eisini minkað nakað.

Vøksturin seinasta árið er burðaravlop, sum er 165 fólk, og nettoflyting, sum er 274 fólk. 

Fólkavøkstur var í 15 av 29 kommunum seinasta árið.