Fýra vilja einki lata. Tríggir vilja lata dupult so nógv til radiosamband

Meirilutin vil ikki lata eitt oyra.

Minnilutin vil lata dupult so nógv.

Fíggjarnevndin hevur skrivað álit um uppskotið hjá fólkafloksfólkunum í Norðoyggjum um eina millión krónur til radiosamband í Viðareiðisbergholinum.

Umboðini hjá samgonguni í fíggjarnevndini mæla frá at samtykkja uppskotið.

Meirilutin  heldur tað vera skilagott, um landsstýrismaðurin í samferðslumálum í sambandi við fíggjarlógina fyri 2025 kannar, um átøk eru, sum eru gagnlig og neyðug at fremja í  bergholum, har møguleikin fyri útvarpi eisini er ein partur.

Nøkur onnur berghol hava heldur ikki radiosamband. 

Andstøðumenninir í fíggjarnevndini vilja lata tvær milliónir, ikki eina, til Viðareiðisbergholið.

Tí Landsverk sigur, at radiosambandið kostar tvær milliónir.