ÍF skal hava nýggjan venjara - Alexandar Jovevic koyrdur til hús

Tað er ikki ov nógv sagt, at tað hevur gingið av skriðjuni hjá ÍF í bestu mansdeildini í fótbólti. 

Nú fimm dystir eru spældir, so hevur ÍF tapt teir allar, og liðið, ið liggur væl og virðiliga aftast, hevur eina málúrtøku upp á minus 23.

ÍF hevur bara skotið eitt mál, meðan 24 mál eru farin inn.

Venjarin uppsagdur

Tað hevur nú fingið starvsnevndina hjá ÍF at handla og koyrt bæði venjaran Alexandar Jovevic og hjálparvenjaran Bartal Eliasen. 

Í síni fráboðan á Facebook-vanganum, skrivar starvsnevndin hjá ÍF, at samstarvið er endað, og at ÍF takkar Alexander Jovevic og Bartali Eliasen fyri tíðina.

Stórtapið móti EB/Streymi var dropin

Úrslitini lúgva ikki. 0-5, 1-8, 0-4, 0-1 og 0-6. Tað eru altso farin í miðal 4,8 mál inn pr. dyst hjá ÍF í teimum fimm dystunum, meðan ÍF-leikararnir bert hava skorað 0,2 mál pr. dyst. 

Við til søguna hoyrir tó, at ÍF hevur spælt móti øllum bilunum til meistaraheitið, nevniliga Víkingi, HB og KÍ. 

Tískil er tað nokk svíðandi 0-5 tapið móti EB/Streymi, ið hevur fingið bikarið endaliga at flóta yvir. 

Næsti dysturin hjá ÍF er móti uppflytarunum úr Runavík, NSÍ, á heimavølli. 

Betri deildin