Mett fyri minni: Her er uppskriftin til bíligu uggarnar

Uggar á fiski er nakað, sum fáir føroyingar munnu eta.

Men í veruleikanum er tað ikki so torført at gera ein rætt burtur úr hesi óvanligu bíligu matvøru.

Kokkurin Jákup Sumberg gjørdi ein suðurlendskan rætt í triðja parti av Mett fyri minni.

Mett fyri minni triði partur

Tilfar:

2 kg av uggum

Sjósalt

Ein vistfrøðilig sitrón

Olivenolja

Pipar

Salt

Hvítleykur

Mannagongd:

Vend uggarnir við 2 tsk av sjósalti, skalinum av einari sitrón, 1 dl av olivenolju, nýkvørnaðum pipari og trýstum hvítleyki

Hetta er ein góð grunduppskrift. Tú kanst eisini lata ymiskt annað í rættin: Jalapenos, várleyk, grøna piparfrukt, ingifer o.s.fr.

Bakað uggarnar í ovni á 150 hitastigum til uggarnir eru gjøgnumstoktir. Tað er uml. 10 minuttir

Trýst eitt sindur av sitrónsaft omaná lidnu uggarnir