Netanyahu: Ísrael fer inn í Rafah - sama um vápnahvíld verður ella ikki

Ísraelski forsætisráðharrin Benjamin Netanyahu sigur, at Ísrael fer inn í Rafah við ella við ongari avtalu um vápnahvíld. 

Tað skrivar Reuters-tíðindastovan.

- Eingin onnur loysn er at enda kríggið, uttan at vit hava rokkið okkara málum, sigur Netanyahu, sambært Reuters.

Netanyahu sigur eisini, at farið verður inn í sunnara part av býnum í Gasa at gera enda á Hamas, sama um vápnahvíld verður ella avtala um at lata gíslar leysar.

Hamas skal hava fingið uppskot, har talan er um vápnahvíld í 40 dagar, treytað av, at allir gíslar í Gasa verða latnir leysir.