Føroya Banki 70 milliónir í avlopi fyrsta ársfjórðing

Úrslitið fyri skatt er 70 mió. kr. hjá Føroya Banka fyrsta ársfjórðing.

Tað var 75 milliónir í fjør.

Úrslitið er 55 mió. kr. eftir skatt. Tað var 61 mió. kr. í fjør.

Úrslitið í ár, sum bankin er nøgdur við, stavar í høvuðsheitum frá rentuinntøkum, avkasti á eginognini og eini góðari javnvág millum inntøkur og útreiðslur, sigur Føroya Banki.

Bankin væntar, at úrslitið eftir skatt í 2024 verður millum 225 og 255 mió. kr.