Íslendsk og føroysk skip fáa nógvan svartkjaft

Íslendsk og føroysk skip fáa nógvan svartkjaft
Íslendskur skipari sigur seg ikki vita um so góðan fiskiskap fyrr. Svartkjafturin er nú komin í føroyskan sjógv
Katrin Jóhanna landaði 1820 tons til Havsbrún í síðstu viku. (Savnsmynd)
 
06.05.2024 - 09:24

Íslendingar eru sera væl nøgdir við svartkjaftaveiðuna í ár.

Ein skipari hjá Sildarvinnsluni á Norðfjørðinum sigur við heimasíðuna hjá henni, at hann veit ikki um, at slíkur fiskiskapur hevur verið fyrr.

Teir hava fingið 100 tons um timan. 

Íslendska kvotan er 306.000 tons í ár. Higartil eru fiskað 210.000 tons.

 

Føroysk skip eisini góðan fiskiskap

Føroysku skipini fáa eisini nógvan svartkjaft.

Havsbrún keypti í síðstu viku 1800 tons frá Gamla Jupiter, 1900 tons frá Biritu, 2750 tons frá Tummasi T. - hann landaði tvær ferðir - 2400 tons frá Borgaranum, 1820 tons frá Katrini Jóhonnu og 2100 tons frá Finni Fríða.

Svartkjafturin hevur verið á gráu leiðini sunnanfyri, tað er leiðin, sum bretar og føroyingar eiga, men nú er svartkjafturin komin í føroyskan sjógv.

Er kopiera
Nýggjastu sendingar í ÚV
Týsdag 15. juli
Morgunlestur týsdagur 15.juli 2025
194086
Mánadag 14. juli
Poppverturin
194204
Nýggjastu sendingar í SV
Týsdag 15. juli
Veðrið
194514
Mánadag 14. juli
Seinasti vitameistarin
194455
Sunnudag 13. juli
Kappróður á fjarðastevnu
194401