Fosturtøka fyri viku 12 er vanliga medisinsk

Tá eitt fostur verður tikið eftir viku 12 og fyri viku 22, kunnu fólk sjálv avgera, hvat skal gerast við fostrið. 

Sambært Sjúkrahúsverkinum vilja tey flestu jarða fostrið í grøv hjá einum avvarðandi.

Vilja tey ikki hava fostrið við sær heim, verður fostrið burturbeint sum lívfrøðilig burturbeining.

Tað stendur í svari hjá Margit Stórá, landsstýriskvinnu, sum Jenis av Rana, løgtingsmaður, hevur fingið.

Hann spurdi um mannagongdirnar í sjúkrahúsunum um fostrið frá teirri løtu, lívstráðurin er kvettur, til fosturtøkan er endað.

Landsstýriskvinnan svarar, at er fosturtøkan fyri viku 12, verður hon vanliga framd sum medisinsk fosturtøka. 

Er fosturtøkan kirurgisk, verður vevnaðurin burturbeindur sum lívfrøðilig burturbeining, stendur í svarinum hjá Margit Stórá, landsstýriskvinnu.