HAF: Útlendsk arbeiðsfólk hava ikki rætt at fara til arbeiðis

Sambært snarskipanini - fast track-skipanini - hevur ein arbeiðsgevari skyldu at upplýsa útlendskari arbeiðsmegi, sum kemur til landið, um teirra rættindi sambært galdandi sáttmála.

Men eftir at verkfall bleiv lýst, hava arbeiðarafeløgini fingið teldupostar frá fleiri útlendingum, sum vilja hava vissu fyri, at tey ikki eru limir í fakfelag og tí kunnu arbeiða sum vanligt. 

- At fólk ikki vita, um tey eru limir í einum fakfelag, er ein greið ábending um, at arbeiðsgevarar hava ikki givið útlendsku arbeiðsfólkunum ta kunning, tey skulu hava sambært snarskipanini, sigur Heri Reynheim, formaður í Havnar arbeiðarafelag

Hann sigur, at útlendsk arbeiðsfólk hava ikki rætt til at fara til arbeiðis, tá verkfall er, hóast tey ikki eru limir í nøkrum fakfelag: